دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد۔ پاکستان فوج کے محکمہ تعلقات عامہ کے سربراہ میجر جنرل بابر افتخار نے کہا ہے کہ پاکستان مسلم لیگ( ن )کے رہنما اور سابق گورنر سندھ محمد زبیر کی حال ہی میں آرمی چیف جنرل قمر جاوید باجوہ سے دو ملاقاتیں ہوئی ہیں۔نجی ٹی وی چینل' اے آر وائی' سے گفتگو کرتے ہوئے تر میجر جنرل بابر افتخار نے کہا کہ آرمی چیف سے محمد زبیر کی دو ملاقاتیں اگست کے آخر اور ستمبر کے آغاز میں ہوئی ہیں۔انہوں نے کہا کہ یہ دونوں ملاقاتیں محمد زبیر کی درخوست پر ہی ہوئیں جن میں میں ڈی جی آئی ایس آئی بھی موجود تھے۔میجر جنرل بابر افتخار کا کہنا تھا کہ ان دونوں ملاقاتوں میں محمد زبیر کی آرمی چیف سے نواز شریف اور مریم نواز کے حوالے سے ہی بات چیت ہوئی۔ آرمی چیف نے محمد زبیر پر واضح کیا کہ جو بھی ان کے قانون مسائل ہیں وہ پاکستان کی عدالتوں میں حل ہوں گے اور سیاسی مسائل کا حل پارلیمان میں ہوگا۔ آرمی چیف نے ان سے یہ بھی کہا کہ ان معاملات سے فوج کو دور رکھا جائے۔