سرکاری سطح پہ پارلیمنٹ کے سامنے سید علی شاہ گیلانی کی غائبانہ نماز جنازہ
No image اسلام آباد۔ قائد تحریک آزادی جموں وکشمیر سید علی شاہ گیلانی کی غائبانہ نماز جنازہ پارلیمنٹ کے سامنے سرکاری سطح پہ قومی اسمبلی کے گرائونڈ میں ادا کی گئی۔ نماز جناز ہ تحریک حریت کے کنوینئر غلام محمد صفی نے پڑھائی۔ نماز جنازہ میں صدر مملکت ڈاکٹر عارف علوی ،صدر آزاد جموں و کشمیر بیرسٹر سلطان محمود چوہدری،وزیر اعظم آزاد جموں و کشمیر سردار عبدالقیوم خان نیازی،چیئر مین سینٹ میر محمد صادق سنجرانی،چیئرمین پارلیمانی کمیٹی برائے کشمیر شہریار خان آفریدی،وزیراعلی گلگت بلتستان بیرسٹر خالد خورشید خان ، سینیٹ میں قائد ایوان ڈاکٹر شہزاد وسیم نے شرکت کی۔ غائبانہ نماز جنازہ میں وفاقی وزرا، اراکین پارلیمنٹ، قومی اسمبلی اور سینیٹ کے اعلی افسران اور عملے کے ممبران بھی شریک ہوئے ۔ آزاد کشمیر کے سابق وزیر اعظم ،پاکستان مسلم لیگ (ن) کے صدر راجہ فاروق حیدر خان نے پارلیمنٹ ہائوس کے سامنے سرکاری افراد کی سید علی شاہ گیلانی کی غائبانہ نماز جنازہ میں عدم شرکت کے سوال کے جواب میں کہا کہ '' پارلیمنٹ ہائوس کے سامنے شیر کی غائبانہ نماز جنازہ گیڈروں نے پڑھی''۔
واپس کریں