دل بعض و حسد سے رنجور نہ کر
یہ نور خدا ہے اس سے بے نور نہ کر
راولپنڈی ۔اقوام متحدہ کی طرف سے رائے شماری کے مقصد سے متنازعہ قرار دی گئی ریاست کشمیر میں ہندوستانی فوج کی اشتعال انگیز فائرنگ، گولہ باری اور اس سے آزاد کشمیر کے شہریوں کے جانی نقصانات کا جائزہ لینے کے لئے برطانیہ، جرمنی، ترکی، آسٹریلیا اور سعودی عرب سمیت 24 ممالک کے سفیروں اور دفاعی اتاشیوں نے لائن آف کنٹرول کا دورہ کیا۔مختلف ممالک کے سفیر اور دفاعی اتاشی بین الاقوامی اداروں کے نمائندوں کے ہمراہ ایل او سی کے دورے پر گئے۔ایل او سی کا دورہ کرنے والے وفد میں برطانوی، پولینڈ، ازبکستان اور جرمنی، سعودی عرب، جنوبی افریقا اور ترکی کے سفیر وفد میں شامل ہیں۔ اس کے علاوہ آذر بائیجان، بوسنیا، یورپی یونین کے سفیر اور دفاعی اتاشی بھی وفد میں شامل ہیں۔یونان، آسٹریلیا، ایران اور عراقی سفیروں کے علاوہ ورلڈ فوڈ پروگرام کے نمائندے بھی ایل او سی کے دورے پر روانہ ہو گئے ہیں۔ سویٹزر لینڈ، فرانس، مصر، لیبیا، یمن اور افغانستان کے سفیر بھی دورہ کرنے والوں میں شامل ہیں۔