دل بعض و حسد سے رنجور نہ کر یہ نور خدا ہے اس سے بے نور نہ کر
نیب کے ترمیمی قانون پر حکومت اور اپوزیشن میں معاملات طے پاگئے۔ '' جیو نیوز کا انکشاف''
No image اسلام آباد۔ حکومت اور اپوزیشن کے درمیان قومی احتساب بیورو (نیب)کے دوسرے ترمیمی قانون 2019 پر معاملات طے پاگئے ہیں۔مجوزہ بل میں سیاست دانوں اور سرکاری افسران کے خلاف نیب کے اختیارات میں کمی کی تجویز دی گئی ہے۔'' جیو نیوز'' کے مطابق مجوزہ بل کے مطابق نیب سیاستدانوں، سرکاری افسران کیخلاف اختیارات کے ناجائز استعمال کے مقدمات نہیں بناسکے گا۔ذرائع کے مطابق حکومت نے نیب دوسرا ترمیمی آرڈیننس اپوزیشن کے تعاون سے قانون کی صورت میں لانیکافیصلہ کیا ہے۔ مجوزہ بل کے مطابق نیب سیاستدانوں، سرکاری افسران سے محصولات کے معاملات کی تحقیقات بھی نہیں کرسکے گا۔مجوزہ بل کے مطابق نیب کا دائرہ کار وفاقی و صوبائی ٹیکس، لیویز، محصولات کے معاملات پر نہیں ہوگا، محصولات پر زیر التوا انکوائریاں، تفتیش متعلقہ اداروں اور حکام کو منتقل ہوجائیں گی۔مجوزہ بل کے تحت احتساب عدالتوں سے متعلقہ مقدمات فوجداری عدالتوں کو منتقل ہوجائیں گے، کسی حکومتی منصوبے یا اسکیم میں ضابطہ کار کی خامیوں پر سیاستدان یا سرکاری افسر کے خلاف کارروائی نہیں ہوگی۔بل کے تحت سیاست دان یا سرکاری افسر کیخلاف حکومتی منصوبے یا اسکیم سے مالیاتی فائدہ حاصل کرنے پر ہی کارروائی ہو سکے گی۔
نیب دوسرا ترمیمی آرڈیننس دسمبر 2019میں جاری کیاگیاتھا اور مدت پوری ہونے پر اپریل 2020میں ختم ہوگیا ہے۔اب اسے قانون کی شکل میں لایا جا رہا ہے اور اپوزیشن بھی اس پہ حکومت سے تعاون کرنے کو تیار ہے اور جلد ہی اسے قومی اسمبلی میں منظوری کے لئے پیش کر دیا جائے گا۔
واپس کریں