دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد۔ صدر آزاد جموں وکشمیر سردار مسعود خان نے کہا ہے کہ بھارتی حکومت مقبوضہ ریاست میں تمام ترقیاتی اور کاروباری منصوبوں کے ٹھیکے کشمیریوں سے چھین کر بھارتی ہندوں کو الاٹ کر رہی ہے تاکہ کشمیریوں کو روزی روٹی کی فکر میں مبتلا کر کے آزادی کی تحریک سے لا تعلق کر دیا جائے۔ بھارت بین الاقوامی برادری کی طرف سے مقبوضہ جموں وکشمیر کی صورتحال پر تشویش اور مذمت کے باوجود بے خوفی سے یکطرفہ اقدامات کر کے متنازعہ علاقے پر اپنے غیر قانونی قبضہ کو مستحکم کرنے میں مصروف ہے اور ریاست کے اسلامی وتاریخی تشخص کو مٹانے کے لئے وہاں ہزاروں مندروں کی تعمیر، اردو اور کشمیری زبان کی جگہ ہندی اور دیگر زبانوں کو سرکاری زبان کا درجہ دے کر کشمیریوں کی تہذیب و ثقافت اور انہیں ان کے ماضی سے کاٹنے کے منصوبے پر تیزی سے عمل کر رہا ہے۔