دل بعض و حسد سے رنجور نہ کر
یہ نور خدا ہے اس سے بے نور نہ کر
مظفر آباد ۔ وزیراعظم آزادکشمیر راجہ محمد فاروق حیدر خان نے کہا ہے پاکستان ایک جمہوری جدوجہد کے نتیجہ میں معرض وجو د میں آیا اور جمہوری نظام ہی اس کی ترقی اور بقاکا ضامن اور کشمیریوں کو آزادی دلوا سکتا ہے۔یہ واحد ملک ہے جو دنیا بھر کے مظلوم مسلمانوں کی امید اور ہندوستان کے توسیع پسندانہ عزائم کے راستے کی رکاوٹ ہے،آزادکشمیر کے الیکشن کسی کو چوری کرنے دینگے نا ہی' جی بی' والا کھیل کوئی یہاں کھیل سکتا ہے،پری پول رگنگ ہوگی نا ہونے دینگے،جنہوں نے مجھ پر غداری کی ایف آئی آر درج کروائی انہیں ندامت اور شرمندگی بھی نہیں اس سے بڑی بدقسمتی اور کیا ہوسکتی ہے جس دن بلایا گیا تو خود ہتھکڑی پہن کر جاونگا ملک پاکستان کے لیے کوئی گردن بھی اڑا دے تو میری اولاد اس پر کوئی مقدمہ نہیں کریگی۔میر ے والد نے جمہوریت کے لیے قید و بند کی صعوبتیں برداشت کیں،انہیں ریاست بدر بھی کیا گیا لیکن انہوں نے پاکستانیت اور جمہوریت پر سمجھوتہ نہیں کیا،یہ مجھ پر آج تک ہونے والی پہلی ایف آئی آر ہے،کسی سے گلہ نہیں کرتا ہمارے گھر پر انڈین ائیر فورس نے بمباری کی احسان فراموش نہیں کہ مشکل وقت میں نوازشریف کا ساتھ چھوڑ دیں ہمارے بارے میں یہ رائے کہ اسلام آباد میں آنے والی ہر برسراقتدار پارٹی کے ساتھ ہوتے ہیں مسلم لیگ ن آزادکشمیر نے تبدیل کر کے دکھائی، میں نے اور میری کابینہ نے پانچ اگست کے بعد سیاست نہیں کی اور قومی معاملات پر پوائنٹ سکورنگ سے گریز کیا وگرنہ اگر ہم بولتے تو پھر سب کو سمجھ آجاتی اس پر انہیں ہمارا شکر گزار ہونا چاہیے۔