دل بعض و حسد سے رنجور نہ کر
یہ نور خدا ہے اس سے بے نور نہ کر
نیلم۔سپیکر آزاد جموں و کشمیر قانون ساز اسمبلی شاہ غلام قادر نے کہا ہے کہ قدرتی اور ناگہانی آفات سے نمٹنے کیلئے ایک جامع منصوبہ بندی کے ساتھ پیش بندی کرنے کی ضرورت ہے۔مسلم لیگ(ن) کی حکومت آازد کشمیر میں قدرتی آفات سے ہونے والے نقصانات کے معاوضہ جات کو بڑھانے کیلئے قانون سازی کر رہی ہے۔ ہم نے لائن آف کنٹرول پر شہید ہونے والے افراد کے معاوضہ جات کو بڑھایا ہے۔ متأثرین سرگن آتشزدگی کی بحالی اور آبادکاری کیلئے تمام ضروری اقدامات اٹھا رہے ہیں۔ آتشزدگی کے فورا بعد تمام انتظامی اداروں نے ایمرجنسی ریلیف کیلئے مثالی کام کیا ۔ متأثرین کے دکھ میں برابر کے شریک ہیں اور کسی صورت عوام کو تنہا نہیں چھوڑیں گے۔ سرگن آتشزدگی متأثرین کی بحالی کیلئے ضروری سامان جس میں ادویات،خوراک،اور رہنے کی دیگر ضروریات فراہم کر دی ہیں۔سپیکر اسمبلی نے سرگن آتشزدگی متأثرین میں امدادی چیک تقسیم کئے اور حکومت کی طرف سے ان کی آباد کاری کیلئے ہر ممکن اقدامات اٹھانے کی یقین دہانی کرائی۔