آزاد کشمیر کے سینئر وزیر طارق فاروق چودھری کورونا کی وجہ سے ' ایم ایچ ' ہسپتال راولپنڈی منتقل
No image بھمبر۔ مسلم لیگ (ن) آزاد کشمیر کے سینئر نائب صدر اور آزاد کشمیر حکومت کے سینئر وزیر طارق فاروق چودھری کو کورونا کی وجہ سے 'ایم ایچ' ہسپتال راولپنڈی داخل کیا گیا ہے۔ طارق فاروق چودھری کورونا کی تشخیص پر بھمبر میں اپنے گھر پہ قرنطینہ میں تھے۔اطلاعات کے مطابق علالت میں اضافے کی وجہ سے انہیں آج بھمبر سے راولپنڈی کے ملٹری ہسپتال منتقل کیا گیا ہے۔طارق فاروق چودھری نے گزشتہ روز اپنے ایک ٹوئٹ میں بتایا تھا کہ انہوں نے ہلکے بخار پر کورونا ٹیسٹ کرایا جو منفی آیا تاہم چھاتی کا سی ٹی سکین کرانے پر کورونا کی تشخیص ہوئی،لہذا گھر میں آئسولیشن میں ہوں۔انہوں نے اپنے لئے دعا کی درخواست کی۔
واپس کریں