دل بعض و حسد سے رنجور نہ کر
یہ نور خدا ہے اس سے بے نور نہ کر
واشنگٹن ۔اقوام متحدہ کے سیکرٹری جنرل انٹونیو گوترس نے کہا ہے کہ لڑکیوں کی تعلیم کے حوالے سے طالبان کا فیصلہ افسوسناک ہے ۔سیکرٹری جنرل اقوام متحدہ نے ایک بیان میں لڑکیوں کی تعلیم کے حوالے سے طالبان انتظامیہ کے فیصلے پر افسوس کا اظہار کیا ہے۔انہوں نے کہا کہ مجھے اس بات پر سخت افسوس ہے کہ افغانستان میں لڑکیاں بدستور تعلیم سے محروم ہیں، خواتین کے ساتھ اس طرح کا غیر منصفانہ سلوک ملکوں کو نابود کردیتاہے۔اقوام متحدہ کے سیکریٹری جنرل نے کہا کہ عورتوں اور لڑکیوں کے حقوق کی حمایت کرکے بچوں کو بھوک اور سماج کو غربت سے باہر نکالا جاسکتا ہے۔ انہوں نے کہا کہ افغانستان کی معیشت نابود ہوچکی ہے اور لوگ اپنے بچے اور اعضائے بدن فروخت کرنے پر مجبور ہوگئے ہیں۔