پشاور ،مدرسے میں بم دھماکا، سات بچےجاں بحق، ایک سو زخمی۔ اسلام آباد اور پنجاب میں سیکورٹی ہائی الرٹ
No image پشاور۔ صوبہ خیبر پختونخوا کے دارلحکومت پشاور کے نواحی علاقے میں واقع ایک مدرے میں منگل کی صبح بم کے ایک طاقتور دھماکے میں کم از کم سات بچے جاں بحق اور ایک سو کے قریب زخمی ہوگئے۔ دیر کالونی میں واقع جامعہ زبیریہ میں ہونے والے اس بم دھماکے میں زخمی ہونے والے طالب علموں میں کچھ کا تعلق افغانستان سے بھی ہے۔ پولیس کے مطابق ابتدائی تفتیش سے معلوم ہوا ہے کہ دھماکے سے چند منٹ پہلے سے کسی نے وہاں ایک بیگ چھوڑا تھا۔صوبائی دارلحکومت میں دہشت گردی کے اس واقعہ کے بعد وفاقی دارلحکومت اسلام آباد اور پنجاب میں سیکورٹی ہائی الرٹ کر دی گئی ہے۔ واضح رہے کہ ہندوستان مختلف گروپوں کو پاکستان میں دہشت گردی کرانے کے لئے ان کی مدد کرتا ہے اور دہشت گردی کے کئی واقعات میں ہندوستان کے ملوث ہونے کے اشارے ملتے رہے ہیں۔
واپس کریں