مسلط شدہ نااہلی کی وجہ سے دہشت گردی نے پھر سر اٹھا لیا ہے، پشاور بم دھماکے پر مریم نواز کا ردعمل
No image اسلام آباد۔ پاکستان مسلم لیگ(ن) کی نائب صدر مریم نواز شریف نے پشاور کے ایک مدرسے میں ہونے بم دھماکے کی دہشت گردی کے واقعہ پہ گہرے دکھ اور افسوس کا اظہار کیا ہے۔ مریم نواز نے ایک بیان میں کہا کہ پشاور مدرسہ دھماکہ دل دہلا دینے والا واقع ہے،بالخصوص بچوں کو ہونے والے نقصان نے انتہائی رنجیدہ کردیا ہے، جن ماں کی گودیں اجڑ گئیں،انکے دکھ کا تصور اور ازالہ ممکن نہیں، اللہ تعالی سے دعا ہے کہ لواحقین کو صبر عطا فرمائے اور اس سانحے میں زخمی ہونے والوں کوصحت یابی عطا فرمائے۔مریم نواز نے کہا کہ آپریشن ضرب عضب اور ردالفساد سے جس دہشت گردی کی کمر ٹوٹی تھی اسی دہشت گردی نے آج مسلط شدہ نااہلی کی وجہ سے ایک بار پھر سر اٹھا لیا۔ملک کے زمہ داروں کی توجہ اپنی ذمہ داریوں کی بجائے اپوزیشن کو دبانے پر مرکوز ہو تو ملک دشمنوں کی توجہ ملک کا امن برباد کرنے پر ہوتی ہے ۔
واپس کریں