گلگت بلتستان الیکشن میں دھاندلی کی گئی تو اسلام آباد میں دھرنا دیں گے، بلاول بھٹو زرداری
No image سکردو۔پاکستان پیپلزپارٹی کے چیئرمین بلاول بھٹو زرداری نے وفاقی حکومت کو متنبہ کیا ہے کہ گلگت بلتستان اسمبلی کے الیکشن میں دھاندلی سے نہ کی جائے،اگر اس کی کوشش بھی کی گئی تواس کے خلاف اسلام آباد میں دھرنا دیا جائے گا۔بلاول گزشتہ کئی دنوں سے گلگت بلتستان میں موجود ہیں اور15 نرمبر کو گلگت بلتستان اسمبلی الیکشن میں پیپلز پارٹی کے امیدواروں کے حق میں جلسوں سے خطاب کر رہے ہیں۔سکردو میں ایک انتخابی اجتماع سے خطاب میں بلاول بھٹو زرداری نے کہا کہ اگر گلگت بلتستان کے انتخابات میں دھاندلی کی کوشش بھی کی گئی تو عوام کے ساتھ اسلام آباد میں دھرنا دیں گے۔انہوں نے کہا کہ یہ الیکشن اقتدار کا نہیں، آپ کے مستقبل کا الیکشن ہے اور ہمیں گلگت بلتستان کو اس تباہی سے بچانا ہے جو پورے پاکستان میں تبدیلی کے نام سے شروع ہوئی ہے۔بلاول نے کہا کہ ہم آپ کو یہاں دھاندلی کی اجازت نہیں دیں گے، اگر ووٹ چوری کرنے کی کوشش کی توگلگت کی عوام کے ساتھ اسلام آباد جائیں گے اور دھرنا دیں گے۔
واپس کریں