دل بعض و حسد سے رنجور نہ کر
یہ نور خدا ہے اس سے بے نور نہ کر
کولمبو( مانیٹرنگ رپورٹ) سری لنکا میں جاری معاشی بحران کے درمیان حزب اختلاف کی جماعت سماگی جنا بالاویگیا (ایس جے بی)نے منگل کو صدر راجہ پکسے گوٹا بایا اور ان کی حکومت کے خلاف دو تحریک عدم اعتماد پیش کی ہے۔ تحریک عدم اعتماد اسپیکر پارلیمنٹ کو جمع کرادی گئی ہے۔پارٹی کے بیا ن میں کہا گیا ہے کہ ایس جے بی نے صدر اور ان کی حکومت کے خلاف پارلیمنٹ کے اسپیکر کو دو تحریک عدم اعتماد پیش کی ہے۔ایوان میں اپوزیشن لیڈر اور ایس جے بی لیڈر سنجیت پریماداسا نے بھی اپنے صدر اور حکومت کے خلاف عدم اعتماد کی تحریک پارلیمنٹ میں جمع کرانے کی تصدیق کی ہے۔واضح رہے کہ سری لنکا شدید معاشی بحران سے گزر رہا ہے۔اپوزیشن جماعت کے رکن پارلیمنٹ لکشمن کریلا نے کہا ہے کہ عدم اعتماد کی تحریک ایوان کے اسپیکر مہندا یاپا ابیوردھنا کے حوالے کر دی گئی ہے اور ایک تحریک مسٹر گوٹابایا کے خلاف اور دوسری ان کی حکومت کے خلاف پیش کی گئی ہے۔