مقبوضہ کشمیر کے شوپیاں ضلع میں ہندوستانی فوج سے جھڑپ میں تین فریڈم فائٹر شہید
No image سرینگر۔ ہندوستانی مقبوضہ کشمیر کے جنوبی ضلع شوپیاں کے ایک گائوں میں منگل کی صبح ہندوستانی فوج کے سرچ آپریشن کے دوران تین فریڈم فائٹرز شہید ہوگئے۔ہندوستانی فوجی ذرائع نے صحافیوں کوبتایا کہ شوپیاں کے کٹ پورہ گائوں کے علاقے کو فوج نے گھیرے میں لیا اور خار دار تاروں سے مکمل ناکہ بندی کی گئی۔تلاشی مہم کے دوران مجاہدین کے ساتھ جھڑپ شروع ہوگئی ۔ہندوستانی فوج کے مطابق جھڑپ میں تین مجاہد شہید ہوئے۔تاہم ہندوستانی فوج کے جانی نقصان کے بارے میں نہیں بتایا گیا۔علاقے میں جھڑپ جاری رہنے کی اطلاعات ہیں۔شہید ہونے والے مجاہدین کی شناخت بھی نہیں ہو ئی ہے۔
واپس کریں