پونچھ سیکٹر میں ہندوستان اور پاکستان کی فوجوں کے درمیان فائرنگ اور مارٹر شیلنگ کا تبادلہ
No image سرینگر۔کشمیر کو غیر فطری اور کشمیریوں کو جبری طور پر تقسیم کرنے والی لائین آف کنٹرول پہ آج پاکستان اورہندوستان کی فوجوں کے درمیان فائرنگ اور مارٹر شیلنگ ہوئی ہے۔ مقبوضہ کشمیر میں ہندوستانی فوج کے ترجمان نے صحافیو ں کو بتایا ہے کہ منگل کو کنٹرول لائین پر پونچھ سیکٹر کے تین مقامات پر پاکستانی فوج کے ساتھ فائرنگ اور مارٹر شیلنگ کا تبادلہ ہوا ہے۔ہندوستانی ترجمان کے مطابق پونچھ کے شاہپور،کرنی اور قصبہ سیکٹرز میں ہفتہ کو دن ساڑھے دس بجے فائرنگ اور مارٹر شیلنگ شروع ہوئی۔فوری طور پر فائرنگ کے اس تبادلے میں نقصانات کی کوئی اطلاع نہیں مل سکی۔


واپس کریں