دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد ( کشیر رپورٹ) پاکستان اور ہندوستان کے درمیان ' انڈس واٹر ٹریٹی' کے تحت پاکستان کا وفد انڈس واٹر کمشنر سید مہر علی شاہ کی سربراہی میں 5 رکنی وفد بھارت روانہ ہوا ہے۔وفد میں ڈی جی محکمہ موسمیات، محکمہ آبپاشی، نیسپاک اور وزارت خارجہ کے نمائندے شامل ہیں، آبی تنازع پر 2 روزہ مذاکرات کل سے نئی دہلی میں ہوں گے۔انڈس واٹر کمشنر سید مہر علی شاہ کے مطابق مذاکرات میں بھارت سے آنے والے دریائوں میں سیلاب کی پیشگی اطلاع پر بات ہوگی۔ اجلاس میں سالانہ رپورٹ فائنل کی جائے گی، دریائے سندھ پر چھوٹے پراجیکٹس ہیں، پاکستان کو دریائے چناب پر بھارت کے 3 بڑے پراجیکٹس پر اعتراض ہے، ان میں سے پاکل دل اور کیرو ہائیڈور پاور شامل ہیں۔ پاکستان بھارت انڈس واٹر کمیشن کا اجلاس مارچ میں اسلام آباد میں ہوا تھا، پاک بھارت آبی مذاکرات کا 118 واں اجلاس نئی دہلی میں ہورہا ہے۔بھارت کیرو پر جاری کام پر پاکستانی اعتراض پر رپورٹ پیش کرے گا، وفد اجلاس میں شرکت کیلئے جارہا ہے جبکہ معائنہ کیلئے الگ وزٹ ہوں گے۔