گریز، نیلم ویلی ،لیپہ ،فارود کہوٹہ میں پاکستان اور ہندوستان کے درمیان گولہ باری
No image مظفر آباد(کشیر رپورٹ)کشمیر کے گریز علاقے میں کنٹرول لائین پہ پاکستان اور ہندوستان کی فوجوں کے درمیان جمعہ کو شدید گولہ باری جاری ہے۔نیلم ویلی، لیپہ ،کہوٹہ حویلی میں ہندوستانی فوج اور پاکستان فوج کے درمیان گولہ باری اور فائرنگ کا سلسلہ جاری ہے،متعدد شہریوں کے جانی نقصان کی بھی اطلاعات ہیں۔
مقبوضہ کشمیر کے میڈیا کے مطابق گریز کے ازمرگ اور بگتور علاقے میں شدید گولہ باری جاری ہے۔گولہ باری کی آوازیں دور دور تک سنائی دے رہی ہیں۔نیلم ویلی کے گائوں تہجیاں میں ہندوستانی فوج سول آبادی پہ گولہ باری کر رہی ہے ۔ اطلاعات کے مطابق ہندوستانی فوج کی گولہ باری سے گھروں میں آگ لگ گئی ہے۔ہندوستانی فوج نیلم ویلی میں جان بوجھ کر سول آبادی کو نشانہ بنا رہی ہے۔ گزشتہ روز ہندستانی فوج کی گولہ باری اور فائرنگ سے آزاد کشمیر کا ایک شہری شہید اور چھ زخمی ہوئے تھے۔
واپس کریں