کشمیر کی کنٹرول لائین پہ اوڑی سے گریز تک جمعہ کو شدید گولہ باری، کم از کم تین بھارتی فوجی ہلاک متعدد زخمی
No image سرینگر۔کشمیر کو غیر فطری اور کشمیریوں کو جبری طورپر تقسیم کرنے والی کنٹرول لائین پہ جمعہ کو پاکستان اور ہندوستان کی فوجوں کے درمیان جمعہ کو شدید گولہ باری میں کم سے کم تین بھارتی فوجی ہلاک اور متعدد زخمی ہوئے ہیں۔بھارتی فوج نے میڈیا کو بتایا کہ جمعہ کے روز گریز سیکٹر سے لے کر اڑی سیکٹر تک کنٹرول لائن کے قریب پاکستانی فوج گولہ باری سے تین بھارتی فوجی مارے گئے ہیں،ان کا کہنا تھا کہ پاکستانی فوج نے مارٹر اور دیگر اسلحہ فائر کیا،گریز میں پاکستانی فوج کی گولہ باری سے دو بھارتی فوجی ہلاک اورتین زخمی ہوئے جبکہ اوڑی سیکٹر میں پاکستانی فائرنگ سے دو بھارتی فوجی ہلاک ہوئے جن کا تعلق بھارتی توپ خانے سے ہے۔ حاجی پیر سیکٹر میں بی ایس ایف کا ایک سب انسپکٹر بھی ہلاک ہوگیا جب کہ ایک جوان زخمی ہوا۔بھارتی فوج کے مطابق بارہمولہ میں ایل او سی میں بھارتی فوج کے توپ خانے میں بیٹری میں تعینات 39 سالہ ایس آئی راکیش ڈوول 1315 مارا گیا۔بھارتی فورس کے ایک سینئر افسر نے بتایا کہ کنٹرول لائن کے قریب بی ایس ایف کے تقریبا تمام یونٹوں کو صبح سے ہی شدید فائرنگ کا سامنا کرنا پڑ رہا ہے اور فوج ، توپ خانے رجمنٹ اور معاون ہتھیاروں کی جوابی کارروائی کی گئی ہے۔
واپس کریں