جمعہ کو آزاد کشمیر کی شہری آبادیوں پہ ہندوستانی فوج کی گولہ باری،فائرنگ سے 5 شہری شہید،28 زخمی
No image مظفر آباد(کشیر رپورٹ) آزاد کشمیر کے مختلف علاقوں پر آج(جمعہ کو) ہندوستانی فوج نے آزاد کشمیر کی سول آبادیوں کوگولہ باری اور فائرنگ سے نشانہ بنایا جس سے آزاد کشمیر کے 5 شہری شہید اورکم سے کم 28 شہری زخمی ہوئے ہیں۔ہندوستانی فوج نے اوڑی سے لے کر نیلم ویلی تک آزاد کشمیر کی شہری آبادیوں کو نشانہ بنایا۔ وزیر اعظم آزاد کشمیر راجہ فاروق حیدر خان نے بتایا ہے کہ ہندوستانی فوج نے آزاد کشمیر کے نہتے شہریوں کو گولہ باری اور فائرنگ سے نشانہ بنایا ہے جس سے اب تک کی اطلاعات کے مطابق 5 شہری شہید اور 28 شہری زخمی ہوئے ہیں۔وزریر اعظم آزاد کشمیر راجہ فاروق حیدر خان نے حکومت پاکستان سے مطالبہ کیا ہے کہ ہندوستانی جارحیت کا ہر سطح پر سخت ترین جواب دیا جائے۔
واپس کریں