ہندوستانی مقبوضہ کشمیر ،آزادی کی تحریک کی حمایت میں پلوامہ کے تین نوجوان پبلک سیفٹی ایکٹ کے تحت گرفتار
No image سرینگر(کشیر رپورٹ)ہندوستانی مقبوضہ کشمیر میںہندوستانی حکام نے تین نوجوانوں کو تحریک آزادی کی حمایت کرنے کے الزام میں پبلک سیفٹی ایکٹ کے تحت گرفتار کیا ہے۔تفصیلات کے مطابق مقبوضہ کشمیر کے جنوبی ضلع پلوامہ میں تین نوجوانوں آصف علی،مشتاق لون ار ایش ڈار کو ہندوستانی حکام نے بدنام زمانہ پبلک سیفٹی ایکٹ کے تحت گرفتار کیا ہے۔اس جابرانہ ایکٹ کے ذریعے کسی کو بھی دو سال کے لئے بغیر مقدمہ چلائے قید میں رکھا جا سکتا ہے۔ان نوجوانوں پر الزام لگایا گیا ہے کہ وہ مقبوضہ جموں وکشمیر میں ہندوستان سے آزادی کی تحریک کی حمایت کرتے ہیں۔ ان تینوں نوجوانوں کو جموں جیل میں قید کیا گیا ہے۔واضح رہے کہ ہندوستانی حکومت نے ہندوستان سے آزادی کے لئے رائے شماری کامطالبہ کرنے والے ہزاروں کشمیریوں کو جیلوں میں قید کر رکھا ہے اور مقبوضہ جموں وکشمیر میں ایک مین فوج حالت جنگ کی طرح تعینات ہے۔
واپس کریں