ہندوستان کا کنٹرول لائین پر جمعہ کو ہونے والی گولہ باری میں آٹھ پاکستانی فوجیوں کی شہادت کا دعوی
No image نئی دہلی۔ ہندوستان نے جمعہ کو آزادکشمیر کے مختلف علاقوں میں کنٹرول لائین کے پار سے گولہ باری اور فائرنگ کی جس سے آزاد کشمیر کے پانچ شہری شہید اور اکتیس زخمی ہوئے۔ ہندوستانی فوج نے گولہ باری کے تبادلے میں اپنے تین فوجیوں کی ہلاکت اور متعدد کے زخمی ہونے کا اعلان کیا ہے تاہم ہندوستانی فوج کا جانی نقصان زیادہ ہونے کی اطلاعات ہیں۔دوسری طرف ہندوستانی'' ٹائمز آف انڈیا'' نے دعوی کیا ہے کہ جمعہ کو کشمیر کی کنٹرول لائین پر ہونے والی گولہ باری اور فائرنگ میں پاکستانی فوج کے آٹھ جوان شہید ہوئے ہیں۔'' ٹائمز آف انڈیا '' نے اس دعوے کے ساتھ ایک سترہ منٹ کی وڈیو بھی شائع کی ہے جس میں کسی نامعلوم فوجی پوسٹ کونشانہ بناتے دکھایا گیا ہے۔تاہم وڈیو سے کہیں بھی یہ ظاہر نہیں ہوتا کہ یہ پاکستانی پوسٹ ہے اور یہ کب اور کہاں کی وڈیو ہے۔اطلاعات کے مطابق جمعہ کو کشمیر کی کنٹرول لائین پر لی گولہ باری کے تبادلے میں ہندوستانی فوج کو کافی جانی نقصان اٹھانا پڑا ہے اور اسی صورتحال کے تناظر میں وہ اپنی فوج اور عوام کا حوصلہ پست ہونے سے بچانے کے لئے آٹھ پاکستانی فوجیوں کی شہادت کا دعوی کر رہا ہے۔

واپس کریں