گولہ باری سے پاک فوج کا ایک جوان شہید اور پانچ زخمی ، بھارتی فوج کابھاری جانی و مالی نقصان۔' آئی ایس پی آر'
No image راولپنڈی۔ پاک فوج کے شعبہ تعلقات عامہ ' آئی ایس پی آر ' کے مطابق کنٹرول لائین پہ بھارتی فوج سے فائرنگ کے تبادلے میں پاک فوج کا ایک جوان شہید اور پانچ زخمی ہوئے ہیں جبکہ بھارتی فوج کا جانی نقصان اس کے تسلیم کیے جانے والے نقصان سے کہیں زیادہ ہے۔واضح رہے کہ بھارتی فوج نے کنٹرول لائین پر جمعہ کو ہونے والی گولہ باری میں اپنے تین فوجیوں کی ہلاکت کا بیان دیا ہے جبکہ اطلاعات کے مطابق بھارتی فوج کو کافی زیادہ جانی نقصان اٹھانا پڑا ہے۔'آئی ایس پی آر' نے کہا ہے کہ بھارتی میڈیا نے بھی بھارتی فوج کو پہنچنے والے نقصان کی تصدیق کی ہے۔'آئی ایس پی آر' کے بیان میں مزید کہا گیا ہے کہ پاک فوج کی جوابی کارروائی میں بھارتی فوج کا بھاری جانی و مالی نقصان پہنچایا گیا جس میں فائر کرنے والی بھارتی فوج کی چوکیوں کو نشانہ بنایا گیا۔بھارتی فوج کی فائرنگ کا پاک فوج نے موثرجواب دیا۔بیان میں کہا گیا ہے کہ بھارتی فوج نے ایل او سی پر دانستہ طور پر شہری آبادیوں کونشانہ بنایا۔بھارتی فائرنگ سے 4 بے گناہ شہری شہید اور12 زخمی ہوئے،بھارتی فوج نیوادی نیلم،وادی لیپہ،وادی جہلم ،وادی باغ کونشانہ بنایا،بھارتی فوج نے ایل او سی کے مختلف سیکٹرزپرہلکے اوربھاری ہتھیاروں کااستعمال کیا،بھارتی فوج نے ایل او سی کے مختلف سیکٹرزپرتوپ خانے کابھی استعمال کیا۔بیا ن میںمزید کہا گیا کہ 7اور 8نومبر کی رات مبینہ طور پر بھارتی فوج کا چندحریت پسندوں سے مقبوضہ کشمیر کے علاقے کپواڑہ میں مقابلہ ہوا جس میں4 بھارتی فوجی ہلاک ہوئے،بھارتی فوج نے اپنی ہزیمت سے بچنے کیلئے13نومبر کو ایل او سی پر فائرنگ کی۔
واپس کریں