وزیر اعظم آزاد کشمیر راجہ فاروق حیدر کی مظفر آباد ہسپتال میں ہندوستانی گولہ باری سے زخمی ہونے والے سویلین اور فوجی جوانوں سے ملاقات
No image مظفر آباد۔وزیر اعظم آزاد جموں وکشمیر راجہ فاروق حیدر خان نے کہا ہے کہ ہندوستان کی طرف سے سیز فائر لائن پر فائرنگ مقبوضہ کشمیر کے بدترین حالات سے توجہ ہٹانے کے لئے کی جارہی ہے،مقبوضہ کشمیر میں تحریک مزاحمت میں بدترین محاصرے کے باوجود تیزی سے مودی بوکھلا گیا ہے،بزدل ہندوستانی فوج نے نہتے لوگوں، معصوم بچوں اور ان کے گھروں کو نشانہ بنایا، لائن آف کنٹرول پر ہندوستان نے انسانیت کی تمام اقدار و بین الاقوامی قوانین کی خلاف ورزی کی ہے،پاک فوج نے ہندوستان کو دندان شکن جواب دیکر زخمیوں اور شہدا کا بدلہ لیا،لائن آف کنٹرول پر رہنے والے عوام کی قربانیاں رنگ لائیں گی۔
وزیر اعظم آزاد جموں و کشمیر راجہ فاروق حیدر خان نے ان خیالات کا اظہار شیخ خلیفہ ہسپتال مظفرآباد کا دورہ کرتے ہوئے کیا۔ وزیر اعظم راجہ فاروق حیدر نے لائن آف کنٹرول پر ہندوستانی فوج کی فائرنگ سے زخمی ہونیوالے افراد کی عیادت کی ۔وزیر اعظم نے اس موقع پرزخمیوں میں امدادی رقوم کے چیک بھی تقسیم کیے۔وزیراعظم راجہ محمد فاروق حیدر خان نے پاک فوج کے زخمی جوانوں کی بھی عیادت کی۔
واپس کریں