بھارتی صدر جموں وکشمیر کی حیثیت بحال کریں اور ڈسٹرکٹ ڈویلپمنٹ کونسل کا الیکشن روکا جائے،بھیم سنگھ
No image جموں۔پینتھر پارٹی کے سربرای پروفیسربھیم سنگھ نے کہا ہے کہ بھارت کے صدر رام ناتھ جموں و کشمیر کو سیاسی تباہی سے بچانے کے لئے مداخلت کریں، جموں وکشمیر کو گذشتہ سال 5 اگست سے ہی تباہی کا سامنا ہے کہ جب جموں و کشمیر کو غیر آئینی اور غیر قانونی طور پر دو مرکز علاقوں میں تقسیم کر دیا گیا۔بھیم سنگھ نے کہا کہ بی جے پی حکومت نے ریاست کو تقسیم کرنے کے بعد بھی کئی غلطیوں کا ارتکاب کیا ہے،جموں وکشمیر کا ریاستی درجہ ختم کر نا مکمل طور پر غیر آئینی ، غیر قانونی اقدام ہے اور جموں و کشمیر کے لوگوں کے ساتھ ایک بہت بڑا امتیازی سلوک ہے۔انہوں نے کہا کہ ایک اور غلطی جموں و کشمیر کی اسمبلی کی منظوری کے بغیر آئین میں 73 ویں ترمیم میں توسیع کر رہی ہے۔انہوں نے کہا کہ جموں وکشمیر کے ہر ضلع میں 14 ممبروں پر مشتمل نام نہاد ڈسٹرکٹ ڈویلپمنٹ کونسل لوگوں پر بوجھ ہے اور اس غیر آئینی اقدام کو ختم کرنا چاہئے۔بھیم سنگھ نے بھارتی صدر سے مطالبہ کیا کہ جموں و کشمیر کی حیثیت بحال کی جائے اور ڈی ڈی کونسل الیکشن منسوخ کئے جائیں۔
واپس کریں