دل بعض و حسد سے رنجور نہ کر یہ نور خدا ہے اس سے بے نور نہ کر
ہندوستانی فوج نے شوپیاں میں دو کشمیری نوجوان شہید کردیئے، کولگام میں مسلسل دوسرے روز محاصرے اور تلاشی کی کاروائی جاری
No image سرینگر( کشیر رپورٹ )مقبوضہ کشمیر کے ضلع شوپیاں میں ہندوستانی فوج نے دو کشمیری نوجوانوں کو شہید کرتے ہوئے دعوی کیا ہے کہ وہ مسلح آزادی پسند تنظیم کے مجاہد تھے۔ہندوستانی فوجیوں نے نوجوانوں کو ضلع کے علاقے کنجی کولر میں محاصرے اور تلاشی کی ایک کارروائی کے دوران شہید کیا۔ فوج نے علاقے کے تمام داخلی اور خارجی راستوں کو بند کردیا جس سے لوگوں کی نقل و حرکت محدود ہوگئی اور صحافیوں کو بھی علاقے میں داخل ہونے کی اجازت نہیں دی گئی۔قابض حکام نے کنجی کولر اور اس کے مضافاتی علاقوں میں انٹرنیٹ سروس معطل کردی ہے تاکہ لوگوں کو موجودہ صورتحال کے بارے میں معلومات حاصل کرنے سے روکا جاسکے۔آخری اطلاعات آنے تک علاقے میں فوجی آپریشن جاری تھا۔
دریں اثناء مقبوضہ کشمیر کے جنوبی ضلع کولگام میں مسلسل دوسرے روز بھی ہندوستانی فوج کی محاصرے اور تلاشی کی پرتشددکارروائی جاری رہی۔ہندوستانی فوجیوں نے پیراملٹری فورسز اور پولیس اہلکاروں کے ہمراہ منگل کو ضلع کے علاقے مشی پورہ میں محاصرے اور تلاشی کی کارروائی شروع کی تھی۔علاقے میں رات بھر کی خاموشی کے بعد فوجیوں نے آج صبح ایک بار پھر فائرنگ شروع کردی جس سے علاقے کے لوگوں میں خوف وہراس پیدا ہوگیا۔آخری اطلاعات آنے تک علاقے میں فوجی آپریشن جاری تھا۔
واپس کریں