بھارتی مسافر طیارے کی کراچی ایئر پورٹ پہ ایمر جنسی لینڈنگ
No image کراچی۔سعودی عرب سے بھارت جانے والے ایک بھارتی مسافر بردار طیارے نے گزشتہ روز کراچی ایئر پورٹ پہ ایمر جنسی لینڈنگ کی۔پاکستانی حکام کے مطابق ایک انڈین طیارے نے ایک مسافر کی طبیعت خراب ہونے پر کراچی کے جناح ایئر پورٹ پر ایمرجنسی لینڈنگ کی ہے۔بھارت کی ایک نجی کمپنی گو ایئر کا طیارہ 197 مسافروں کو ریاض سے دہلی لے جا رہا تھا اور اسی دوران پرواز ایک مسافر کی طبیعت خراب ہوئی جس پر فلائٹ G8- 6658A کے پائلٹ نے کراچی ایئر پورٹ پر ایمرجنسی لینڈنگ کا فیصلہ کیا۔ 30 سالہ مسافر محمد نوشاد کو دوران پرواز دل کا دورہ پڑا اور ایئر ٹریفک کنٹرول نے ایئر پورٹ پر موجود ڈاکٹر کو بلایا گیا۔ معائنے کے بعد ڈاکٹر نے ان کی ہلاکت کی تصدیق کی۔ تاہم بتایا گیا ہے کہ مسافر کی ہلاکت لینڈنگ سے قبل ہی ہو چکی تھی۔بعد ازاں طیارہ فیول بھروانے کے بعد دہلی روانہ ہو ا۔
واپس کریں