مقبوضہ جموں وکشمیر میں کارخانے لگانے کے لئے بیس ہزار کنال آراضی پر قبضہ کر لیا گیا
No image جموں۔بھارتی حکومت نے مقبوضہ جموں وکشمیر میں کارخانے لگاتے ہوئے وہاں بھارتی شہریوں کی آبادی کاری کے منصوبے کے تحت بیس ہزار کنال دیہی آراضی کو قبضے میں لینے کی کاروائی شروع کر دی ہے اور اس سلسلے میں بیس ہزار کنال پر مشتمل لینڈ بنک کا قیام عمل میں لایا گیا ہے ۔ اس میں سترہ ہزار کنال آراضی جموں اور آٹھ ہزار کنال مقبوضہ کشمیر میں ہے۔یہ آ راضی محکمہ صنعت و تجارت کو منتقل کر دی گئی ہے۔
بھارتی میڈیا میں شائع رورٹ کے مطابق نڈسٹریل پالیسی 2016کے تحت دس برسوں کیلئے 20ہزار کنال اراضی کا لینڈ بینک بنانے کا منصوبہ دس برس کیلئے تیار کیا گیا تھا جس میں غیر زرعی علاقوں میں نئی انڈسٹریز کیلئے زمین فراہم کرنا ہے ۔ اس سلسلے میں جموں کشمیر سرکار نے انڈسٹریل پالیسی 2016کے تحت 25000کنال سٹیٹ لینڈ کو انڈسٹریز اینڈ کامرس محکمہ کومنتقل کیا گیا ۔ جس میں سے جموں ڈویژن میں 17000کنال اور کشمیر ڈویژن میں 8000کنال اراضی شامل ہے ۔ لینڈ بینک میں جو اراضی ہے وہ غیر جنگلاتی اور غیر ذرعی اراضی بنجر سٹیٹ لینڈ کے تحت آتی ہے جس کو محکمہ مال اور محکمہ انڈسٹریز کے باہمی مشورے سے اس اراضی کی نشاندہی کی ہے ۔ اور اگلے چند سالوں میں اسے صنعتی اسٹیٹ کی ترقی کے لئے استعمال کیا جائے گا۔
محکمہ انڈسٹریز اینڈ کامرس نے پہلے ہی 49انڈسٹریل اسٹیٹس کا قیام عمل میں لیاہے جس میں 31448کنال اراضی جموں کشمیر میں صرف کی گئی ہے ۔ اور موجودہ لینڈ بینک کی 25,000 کنال اراضی سابق انڈسٹریل اسٹیٹس میں کی اراضی میں شامل ہوگا۔ انڈسٹریل اسٹیٹس میں پہلے ہی جو انڈسٹریل اسٹیٹس کیلئے اراضی فراہم کی گئی ہے وہ لیز بنیادوں پر فراہم کی گئی ہے ۔ موجودہ لینڈ بینک کے ذریعے ابھی تک کسی بھی کارخانہ دار کو اراضی فراہم نہیں کی گئی ہے کیوں کہ اس عمل میں ابھی وقت لگ سکتا ہے ۔ جموں کشمیر میں سرکاری اراضی پر گزشتہ دو برسوں کے دوران ابھی تک صرف 453یوٹنوں کا قیام ہی عمل میں لایا گیا ہے اورجموں کشمیر کے مختلف انڈسٹریل اسیٹس علاقوں میں ان یونٹوں کیلئے ابھی تک 1371کنال اراضی ہی لیز بنیادوںاور انڈسٹریل پالیسی کے تحت فراہم کی گئی ہے ۔ محکمہ انڈسٹریز اینڈ کامرس جموں کشمیر میں پرائیویٹ سیکٹر کے ذریعے روزگار کے وسائل زیادہ سے زیادہ وسائل پیداکرنے کیلئے کام کررہا ہے اورمحکمہ صنعت و تجارت نجی شعبے میں روزگار کے مواقع پیدا کرنے پر مینوفیکچرنگ اور خدمات کے شعبے میں اس طرح کے صنعتی سرمایہ کاری کی حوصلہ افزائی اور سازگار بزنس اکو سسٹم کی تشکیل کے لئے کام کر رہی ہے۔

واپس کریں