مقبوضہ کشمیر میں مسلح فورس' سی آر پی ایف' کی مزید49 بٹالین متعین
No image سرینگر۔ مقبوضہ جموں و کشمیر میں ڈسٹرکٹ ڈویلپمنٹ کونسل الیکشن کے حوالے سے بھارتی حکومت نے سینٹرل ریزرو پولیس فورس(سی آر پی ایف) کی مزید 49 بٹالین فورس مقبوضہ کشمیر میں متعین کرنے کی منظوری دی ہے اوران کی مقبوضہ کشمیر تعیناتی کا عمل شروع ہو چکا ہے۔واضح رہے کہ بھارتی حکومت نے مقبوضہ جموں و کشمیر میں ڈسٹرکٹ ڈویلپمنٹ کونسل کا نیا نظام متعارف کرایا ہے اور اس کے لئے پچیس نومبر سے آٹھ مراحل میں الیکشن کا اعلان کیا گیا ہے۔ اس الیکشن میں بی جے پی کا مقابلہ کرنے کے لئے گپکار اتحاد نے بھی الیکشن میں حصہ لینے کا اعلان کیا ہے جبکہ اس سے پہلے گپکار اتحاد کا قیام مقبوضہ جموں وکشمیر کی ریاستی حیثیت کی بحالی کے یک نکاتی مقصد سے عمل میں لایا گیا تھا۔ تاہم اب گپکار اتحاد الیکشن کا حصہ بن رہا ہے۔ ڈسٹرکٹ ڈویلپمنٹ کونسل کے اس نئے طریقہ کار کے تحت مقبوضہ جموں کے ہر ضلع میں قائم کی جائے گی اور ہر کونسل کے چودہ ارکان ہوں گے۔اس کے ساتھ ہی پنجائیت کی 12,153 خالی سیٹوں اور 234اربن لوکل وارڈ کی سیٹوں کے الیکشن بھی کرائے جا رہے ہیں۔
واپس کریں