وزیر اعظم راجہ فاروق حیدر خان نے مظفر آباد کے تجارتی مراکز کا دورہ کیا ، عوام کو کورونا کے حفاظتی اقدامات اپنانے کی ہدایت
No image مظفرآباد ۔وزیر اعظم آزادجموں وکشمیر راجہ محمد فاروق حیدر خان نے بدھ کو دفتر جاتے ہوئے دارلحکومت کے بازاروں اور تجارتی مراکز کا دورہ کیا ۔ وزیر اعظم نے اس موقع پر بازاروں میں کرونا وائر س سے بچا کیلئے حفاظتی ایس او پیز پر عملدرآمد کا جائزہ لیا اور شہریوں کو حفاظتی تدابیر اپنانے کی ہدایت کی۔ وزیر اعظم نے اس موقع پر شہریوں میں خود حفاظتی ماسک بھی تقسیم کیے ۔ وزیر اعظم نے شہریوں سے گفتگو کرتے ہوئے کہاکہ تاجر اور شہری ملکر کرونا وائرس کی روک تھام کے لئے تعاون کریں۔حکومت کی جانب سے جاری کردہ حفاظتی ایس او پیز پر عملدرآمد ہوتا تو انسانی جانیں بچانے کے لئے دوبارہ لاک ڈائون کا سخت فیصلہ نہ کرنا پڑتا ۔ شہریوں کی جانوں کی حفاظت کیلئے مجبورا سخت لاک ڈائو ن کا فیصلہ کرنا پڑا۔وزیراعظم نے کہاکہ شہریوں کی جان سے بڑھ کر کوئی چیز ضروری نہیں۔ کرونا وائر س کی دوسری لہر پہلے سے زیادہ خطرناک ہے ۔ شہریوں سے اپیل کرتا ہوں کہ اس وباسے خود بھی بچیں اور اپنے گھر والوں کو بھی بچائیں۔ احتیاطی تدابیر پر عمل کر کے ہی اس مہلک وائرس سے بچا جا سکتا ہے۔ انہوں نے کہاکہ پہلے مرحلے میں حکومت نے بروقت لاک ڈان کا فیصلہ کیا اور شہریوں نے بھی تعاون کیا جس کی وجہ سے کرونا وائر س کی پہلی لہر زیادہ نہیں پھیلی اور پاکستان بھر میں سب سے کم کیسز آزادکشمیر میں آئے ۔ انہوںنے کہاکہ شہریوں کی جانب سے ایس او پیز پر عملدرآمد نہیں کیا گیا جس کی وجہ سے اس وباکی صورتحال دن بدن خطرناک ہوتی جارہی ہے ۔آزادکشمیر میں سب سے زیادہ کیسز مظفرآباد میں آئے ہیں اور میرپور اور کوٹلی میں بھی یہ وباتیزی سے پھیل رہی ہے اس کے پھیلا کو روکنے کیلئے لاک ڈان ضرروی تھا ۔ انہوںنے کہا کہ ہماری ذمہ داری ہے کہ شہریوں کی جانوں کی حفاظت کریں ۔ وزیر اعظم نے اس موقع پر انتطامیہ کو ہدایت کی کہ کرونا وائر س سے بچا کیلئے حفاظتی ایس او پیز پر سختی سے عملدرآمد کروایا جائے ۔

واپس کریں