پلوامہ میں دوکشمیری فریڈم فائٹر جھڑپ کے دوران بھارتی فوج کا محاصرہ توڑ کر نکلنے میں کامیاب
No image سرینگر(کشیر رپورٹ)بھارتی فورسز کو اس وقت ہزیمت سے دوچار ہونا پڑا جب کشمیری فریڈم فائٹر ز بھارتی فوج کے سخت محاصرے اور جھڑپ کے دوران نکلنے میں کامیاب ہو گئے۔پلوامہ کے پاری گام علاقے میں بھارتی فورسز نے مجاہدین کی موجودگی کی اطلاع پر علاقے کو سخت گھیرے میں لے کر تلاشی مہم شروع کی۔اسی دوران مجاہدین نے بھارتی فورسز پر فائرنگ شروع کر دی۔کافی دیر فائرنگ کے تبادلے کے بعد مجاہدین بحفاظت نکلنے میں کامیاب ہو گئے۔بھارتی فوجی حیران و پریشان رہ گئے کہ مجاہدین کس طرح وہاں سے نکلنے میں کامیاب رہے۔
مقامی میڈیا کے مطابق عسکریت پسندوں کی موجودگی کی اطلاع ملنے کے بعد بھارتی فورسز نے جونہی پلوامہ کے پاری گام علاقے کو محاصرے میں لے آپریشن شروع کیا تو اس دوران گائوں میں موجود مجاہدین نے فورسز پر اندھا دھند فائرنگ شروع کی چنانچہ سیکورٹی فورسز نے بھی پوزیشن سنبھال کر جوابی کارروائی کا آغاز کیا جس دوران گولیوں کا تبادلہ جاری رہا۔ گولیوں کا تبادلہ تھم جانے کے بعد سیکورٹی فورسز نے جونہی تصادم کی جگہ کا معائنہ کیا تو وہاں پر کچھ بھی نہیں ملا ۔ ذرائع کا کہنا ہے کہ ابتدائی فائرنگ کے بعد عسکریت پسند سیکورٹی فورسز کا محاصرہ تو ڑکر فرار ہونے میں کامیاب ہوئے ہیں۔ باور کیا جارہا ہے کہ گائوں میں جیش کمانڈر اپنے ساتھیوں سمیت موجود تھا لیکن پولیس ذرائع کا کہنا ہے کہ ایک وسیع علاقے کو محاصرے میں لے کر مجاہدین کی بڑے پیمانے پر تلاش شروع کی گئی ہے۔ پولیس ذرائع کا کہنا ہے کہ ایک وسیع علاقے میں جنگجو مخالف آپریشن جاری ہے۔
واپس کریں