وزیر اعلی پنجاب کے معاون خصوصی تنویر الیاس کا بیرسٹر سلطان محمود اور دیگر عہدیداران پر عدم اعتماد، ' پی ٹی آئی' کی ابتر صورتحال عریاں
No image اسلام آباد( کشیر رپورٹ)وزیر اعلی پنجاب کے معاون خصوصی و پنجاب سرمایہ کاری بورڈ کے چیئرمین سردار تنویر الیاس خان نے آزاد کشمیر میں ' پی ٹی آئی' کی ابتر صورتحال کو عریاں کر تے ہوئے 'پی ٹی آئی' آزاد کشمیر کے صدر بیرسٹر سلطان محمود چودھری اور دیگر عہدیداران پر عدم اعتماد کا اظہار کیا ہے۔ گزشتہ روز صحافیوں کے ایک گروپ سے گفتگو میں انہوں نے کہا کہ '' آزادکشمیر میں پی ٹی آئی کی جو تنظیم ہے وہ انتہائی کمزور اور بری طرح سے گروپ بندی کی شکار ہے، تحصیل اور ضلع کی سطح پر چھ، چھ اور آٹھ آٹھ دھڑے بنے ہوئے ہیں ان کو ختم کیا جانا چاہیے اور اس کی ذمہ داری پارٹی کے صدر اور تنظیم کی بنتی ہے۔'' سردار تنویر الیاس نے اشارہ دیا کہ وہ آزادکشمیر سے الیکشن لڑ سکتے ہیں۔ان کی اس بات سے یہ عندیہ بھی ملتا ہے کہ وہ آزاد کشمیر 'پی ٹی آئی' کے صدر بیرسٹر سلطان محمود چودھری اور باقی عہدیداران سے نالاں ہیں اور وہ آزادکشمیر کی ' پی ٹی آئی'کا صدر بننے کا امکان بھی رکھتے ہیں۔یہ صورتحال ظاہر کر رہی ہے کہ آزاد کشمیر میں 'پی ٹی آئی' کے حامی افراد کے درمیان عہدوں اور ایک دوسرے کو نیچا دکھانے کے لئے کشمکش تیز ہوتی جا رہی ہے۔
واپس کریں