شوکت نواز میر نے مظفر آباد انجمن تاجران کے الیکشن میں' پی ٹی آئی' ٹریڈ ونگ کے صدر عبدالرزاق خان کو بھاری اکثریت سے شکست دے دی
No image مظفر آباد(کشیر رپورٹ) آزاد کشمیر کے دارلحکومت مظفر آباد کی مرکزی انجمن تاجران کے الیکشن میں شوکت نواز میر نے4812ووٹ لے کر ' پی ٹی آئی ' ٹریڈ ونگ کے صدر عبدالرزاق خان کو بھاری اکثریت سے شکست دے دی ہے۔ ہفتہ کو ہونے والے الیکشن میں عبدالرزاق 2270ووٹ حاصل کر سکے جبکہ چیئرمین کے تیسرے امیدوار راجہ فیاض خان کو کل241ووٹ مل سکے۔ تفصیلا ت کے مطابق شوکت نواز میر کو اپر چھتر سے 363،سہیلی سرکار سے408،بنک روڈ سے434،سٹی پلازہ سے 585،بلدیہ ہال سے 976،لوئر پلیٹ سے478،چہلہ بانڈی سے 419،بیلہ نور شاہ سے632 اورگوجرہ سے 517 ووٹ ملے۔جبکہ ان کے مخالف ' پی ٹی آئی ' ٹریڈ ونگ کے صدر
عبدالرزاق کوبالترتیب 106،267،305، 197، 568، 189، 222، 301 اور 115(کل 2270) ووٹ ملے۔یوں شوکت نواز میر نے کل 4812ووٹ لیتے ہو ئے کل 2270 ووٹ لینے والے عبدالرزاق کو آدھے سے زیادہ ووٹوں کی واضح اکثریت سے شکست دے دی اور مرکزی انجمن تاجران مظفر آباد کے چیئرمین کا الیکشن جیت لیا۔
واپس کریں