میری ٹائم زونز ایکٹ 2020 کی منظوری
No image اسلام آباد ۔ پاکستان نے اپنی سمندری حدود کے تحفظ کو مضبوط اور موثر بنانے کے لئے '' میری ٹائم زنز ایکٹ '' کی منظور ی دی ہے جس کے تحت غیر ملکی جنگی، ایٹمی بحری جہازوں کے پاکستانی حدود میں داخلے کے لیے پیشگی اجازت لازمی قرار دے دی گئی ہے۔وفاقی حکومت نے میری ٹائم زونز ایکٹ 2020 کی منظوری دی ہے جس سے پاکستان نے سمندری حدود میں ملکی سیکیورٹی اور سا لمیت کے حوالے سے قانون سازی کا ضروری عمل پورا کیا گیا ہے۔دستاویز کے مطابق پاکستان نے غیرملکی جنگی اور ایٹمی بحری جہازوں کے اس کی سمندری حدود میں داخلے کی پیشگی اجازت لازمی قرار دیدی ہے۔پاکستان کی سمندری حدود میں سب میرینز، دیگر واٹر وہیکلز کا داخلہ بھی وفاقی حکومت کی پیشگی اجازت سے ہوگا، پاکستان کے دفاع پر معلومات اکھٹی کرنے اور اسلحہ استعمال کرنے پر کارروائی ہوگی، پاکستانی حدود میں کرنسی، افراد کی لوڈنگ، ان لوڈنگ، ریسرچ اور سروے پر پابندی عائدکی گئی ہے۔دستاویز کے مطابق ملکی خود مختاری کا اطلاق سمندر، سمندری فرش، ذیلی مٹی پر موجودہ وائی حدود پر ہوگا۔وفاقی حکومت تاریخی پانیوں سے متعلق حدود کا تعین کرے گی جبکہ بیس لائن کے زمینی اطراف موجود تمام پانیوں کو پاکستان کا داخلی پانی قرار دیا جائے گا۔میری ٹائم زونز ایکٹ 2020 کی خلاف ورزی کے مرتکب بحری جہاز قبضے میں لیکر قانونی کارروائی کی جائے گی اور اس پر 5 سال قید اور بھاری جرمانہ عائد کیا جائے گا۔
واپس کریں