آزاد کشمیر الیکشن کمیشن کی سیاسی جماعتوں کو اکائونٹس تفصیلات 15دن کے اندر جمع کرانے کی ہدایت
No image مظفر آباد۔ الیکشن کمیشن آزاد جموں و کشمیر نے الیکشنز ایکٹ 2020 کی دفعہ 127 کے تحت سیاسی جماعتوں سے اکائونٹس کی تفصیلات طلب کر لیں، جملہ سیاسی جماعتیں 15 ایام کے اندر اکانٹس کی تفصیلات الیکشن کمیشن میں جمع کروانے کی پابند ہوں گی اس سلسلہ میں سیاسی جماعتوں کے سربراہان کو لیٹر جاری کر دیا گیا ہے۔ الیکشن کمیشن کی طرف سے جمعرات کو جاری ایک بیان میں کہا گیا ہے کہ مقررہ مدت کے اندر سیاسی جماعتوں کے لیے حسابات پیش کرنا قانونی تقاضا ہے اور آئندہ انتخابات میں صرف وہی جماعت حصہ لے سکے گی جو مذکورہ ایکٹ کی دفعہ 128 الیکشن کمیشن میں رجسٹرڈ ہو اور اپنے اکانٹس جمع کروائے۔ اکانٹس جمع نہ کروانے والی جماعتیں آئندہ الیکشن میں حصہ نہیں لے سکیں گی۔
واپس کریں