دل بعض و حسد سے رنجور نہ کر
یہ نور خدا ہے اس سے بے نور نہ کر
اسلا م آباد ۔ 27جولائی( کشیر رپورٹ)سابق وزیراعظم آزاد حکومت ریاست جموں وکشمیر راجہ محمد فاروق حیدر خان نے کہا ہے کہ ہم نے ایک طویل اور صبر آزما جدو جہد کے بعد جو حقوق حاصل کیے ہیں انہیں واپس چھیننے کے لیے مجوزہ پندرویں آئینی ترمیم کو ریاست جموں وکشمیر کے عوام یکسر مسترد کرتے ہیں جس کی معقول وجوہات موجود ہیں، ریاست کے اندر یہ شبہ زور پکڑ رہا ہے کہ پاکستان او ر ہندوستان بالآخر ریاست جموں و کشمیر کو تقسیم کرنے پر آمادہ ہو جائیں گے۔ اقوام متحدہ کی سیکورٹی کونسل کی قراردادوں کے تحت ریاست کے دونوں حصے عارضی انتظام کے تحت پاکستان او رہندوستان کے پاس ہیں، جبکہ ریاست کے مستقبل کاحتمی فیصلہ کشمیری عوام نے کرنا ہے جو اس مسئلے کے بنیادی اور اصل فریق ہیں۔ 1957کی قرارداد بہت واضع ہے، یا تو پاکستان ان سے باہر نکلے اور ہمارے ساتھ بات کرے۔