دل بعض و حسد سے رنجور نہ کر
یہ نور خدا ہے اس سے بے نور نہ کر
لندن ۔ کشیر رپورٹ۔ برٹش ایئر ویز نے لندن سے اسلام آباد کے لیے اپنی پروازیں دوبارہ شروع کرنے کا فیصلہ کیا ہے،برٹش ایئر ویز کی لندن سے براہِ راست اسلام آباد کے لیے پرواز آج رات روانہ ہو گی۔برٹش ایئر ویز نے 26 مارچ کو پاکستان کے لئے اپنی پروازیں بند کر دی تھیں۔برٹش ایئر ویز کی پاکستان کے لئے پروازیں بند ہونے سے برطانیہ میں مقیم پاکستانیوں کو مشکلات کا سامناتھا اور اب برٹش ایئر ویز کی لندن سے اسلام آباد پروازیں دوبارہ شروع ہونے پر ان کی طرف سے خوشی کا اظہار کیا جار ہاہے۔برٹش ایئر ویز کی لندن سے براہِ راست اسلام آباد کے لیے پرواز آج رات روانہ ہو گی، برٹش ایئر ویز کی 2 پروازیں BA261 اور BA260 اسلام آباد پہنچیں گی۔شیڈول کے مطابق برٹش ایئر ویز کی لندن سے پہلی براہِ راست پرواز بی اے 261 آج رات ساڑھے 9 بجے روانہ ہو گی جو شیڈول کے مطابق کل صبح ساڑھے 9 بجے اسلام آباد پہنچے گی۔