دل بعض و حسد سے رنجور نہ کر
یہ نور خدا ہے اس سے بے نور نہ کر
مظفرآباد (پی آئی ڈی) 02 اگست 2022۔آزاد جموں و کشمیر پریس فانڈیشن کی ویلفیئر کمیٹی کا اجلاس چیئر پرسن کمیٹی محترمہ مدحت شہزاد سیکرٹری اطلاعات کے آفس چیمبر میں منعقد ہوا۔ اجلاس کا باقاعدہ آغاز تلاوت کلام پاک سے شروع ہوا۔ سیکرٹری پریس فانڈیشن راجہ اظہر اقبال نے اجلاس کی غرض و غایت بیان کی۔ اجلاس میں صحافیان کرام کی فلاح و بہبود کے لیے مجبوعی طور پر مبلغ 7,00,000/- روپے کی منظوری دی گئی۔ جب کہ تاخیر سے موصول ہونے والی درخواست ہا پر کارروائی کے لیے اجلاس مورخہ 23 اگست 2022 کو منعقد کرنے کا فیصلہ کیا گیا۔ اجلاس میں سیکرٹری پریس فانڈیشن / ناظم اعلی تعلقات عامہ راجہ اظہر اقبال، وائس چیئرمین پریس فانڈیشن سید ابرار حیدر، اسسٹنٹ سیکرٹری سید بشارت حسین کاظمی، ممبر ویلفیئر کمیٹی محمد عارف کشمیری، ڈاکٹر طارق شاکر، ظہیر الحسن، خواجہ سرفراز اور معاون پریس فانڈیشن سجاد احمد نے شرکت کی۔ اجلاس سے خطاب کرتے ہوئے محترمہ سیکرٹری اطلاعات نے کہا کہ حکومت صحافیوں کی فلاح و بہبود کے لیے ہر ممکن اقدمات اٹھا رہی ہے۔ پریس فانڈیشن کی گرانٹ میں حکومت نے اضافہ کیا ہے، جو اس بات کا ثبوت ہے کہ حکومت صحافیوں کی فلاح و بہبود کے لیے خصوصی دلچسپی رکھتی ہے۔ آخر میں ممبران ویلفیئر کمیٹی نے محترمہ سیکرٹری اطلاعات / چیئر پرسن کمیٹی کا شکریہ ادا کیا۔