بم برآمد ہونے پرراجوری ڈی سی آفس بند، گجر منڈی مارکیٹ راجوری سے بھی بم برآمد
No image سرینگر۔ مقبوضہ کشمیر کے ضلع راجوری میں جمعرات کو دو مقامات سے بم برآمد ہونے پر ہندوستانی حکام میں کھلبلی مچ گئی۔ڈپٹی کمشنر آفس میں بم برآمد ہونے پر ڈپٹی کمشنر کے دفتر کو بند کر دیا گیا۔پولیس کے مطابق جمعرات کو دوپہر دو بجے وائرلیس پہ اطلاع ملی کہ ڈی سی آفس راجوری کے آفس میں بم نظر آیا ہے ۔جس پر ڈی سی آفس کو بند کر کے علاقے کو گھیرے میں لے لیا گیا۔ جمعرات کو ہی راجوری کی گجر منڈی مارکیٹ سے بھی ایک بم برآمد ہوا جس پر علاقے کو فورسز نے گھیرے میں لے لیا۔بم سڑک کے ساتھ نصب کیا گیا تھا۔ پولیس کے مطابق ڈی سی آفس اور گجر منڈی مارکیٹ میں برآمد ہونے والے بم ہینڈ گرینڈ تھے۔
واپس کریں