دل بعض و حسد سے رنجور نہ کر
یہ نور خدا ہے اس سے بے نور نہ کر
واشنگٹن(مانیٹرنگ ڈیسک) امریکہ نے ہندوستان میں ایک مسلمان خاتون کی اجتماعی عصمت دری اور قتل کے مجرموں کو عدالت سے رہا کرنے کے اقدام کی سخت مذمت کرتے ہوئے ہندوستان پر کڑی تنقید کی ہے اور کہا ہے کہ ہندوستان میں اقلیتوں کو خاص طور پر انتقامی کاروائیوں کا نشانہ بناتے ہوئے ان پہ زمین تنگ کر دی گئی ہے۔ بلقیس بانو ریپ کیس کے مجرموں کی رہائی کے فیصلے پر جہاں گجرات حکومت کی ملک میں کڑی تنقید کی جارہی ہے وہیں امریکہ نے بھی اس پر سخت ردعمل کا اظہار کیا ہے۔ امریکی کمیشن برائے بین الاقوامی مذہبی آزادی(یو ایس سی آئی آر ایف) نے اپنے خاندان کے افراد کے اجتماعی عصمت دری اور قتل کے جرم میں عمر قید کی سزا پانے والے 11 مجرموں کو رہا کرنے کے ہندوستان کے فیصلے پر سخت اعتراض کیا ہے۔یو ایس سی آئی آر ایف نے اسے انصاف کا مذاق اڑاتے ہوئے قرار دیا اور کہا کہ یہ ہندوستان میں مذہبی اقلیتوں کے خلاف تشدد میں ملوث افراد کے لیے استثنی کے نمونے کا حصہ ہے کمیشن کے کمشنر سٹیفن شنیک نے کہا کہ یہ فیصلہ مذہبی اقلیتوں کے خلاف تشدد میں ملوث افراد کی رہائی کے نمونے کا حصہ ہے۔ اس معاملے میں ممبئی کی ایک خصوصی سی بی آئی عدالت نے 2008 میں 11 ملزمان کو قتل اور اجتماعی عصمت دری کا مجرم قرار دیتے ہوئے عمر قید کی سزا سنائی تھی۔