مطلوب انقلابی آزادکشمیر کی سیاست کا اثاثہ تھے ، وزیر اعظم آزاد کشمیر راجہ فاروق حیدر خان
No image کوٹلی۔ وزیر اعظم آزادجموں وکشمیر راجہ محمد فاروق حیدرخان سابق وزیر حکومت پیپلز پارٹی کے مرکزی رہنماء محمد مطلوب انقلابی کے گھر گئے اور مطلوب انقلابی کے والدین دیگر اہلخانہ سے ملاقات کی اور اظہار تعزیت کیا۔ وزیر اعظم نے محمد مطلوب انقلابی کی قبر پر پھولوں کی چادر چڑھائی اور ان کے بلندی درجات کیلئے فاتحہ خوانی بھی کی۔ اس موقع پر گفتگو کرتے ہوئے وزیر اعظم نے کہاکہ مطلوب انقلابی آزادکشمیر کی سیاست کا اثاثہ تھے ، ان کی وفات جمہوریت پسندوں کا نقصان ہے ۔ وزیر اعظم نے کہاکہ مطلوب انقلابی منجھے ہوئے سیاسی کارکن تھے جن کا اوڑھنا بچھوڑنا ان کی جماعت تھی ۔ موت کا وقت مقرر ہے ،معاشرے میں عزت بڑے عہدوں سے نہیں ملتی سماج میں نیک نامی پیدا کرنے کے لیے کردار کا مظاہرہ کرنا پڑتا ہے ۔ مطلوب انقلابی سے بہت قریبی تعلق تھا وہ ایک نیک سیرت اور درد دل رکھنے والے انسان تھے ، دعا ہے کہ اللہ رب العزت انہیں جنت الفردوس میں اعلیٰ مقام عطا فرمائے ۔ سینئر وزیر چوہدری طارق فاروق،وزیر مال سردار فاروق سکندر اور صاحبزادہ سلیم چشتی بھی وزیر اعظم کے ہمراہ تھے ۔
واپس کریں