ہندوستانی فوج کی طرف سے پاکستان کے خلاف جنگی مہم جوئی کے خطرات میں اضافہ، افواج پاکستان ' ہائی الرٹ'
No image اسلام آباد ۔ ہندوستان کی طرف سے پاکستان کے خلاف آزاد کشمیر یا گلگت بلتستان میں جارحانہ جنگی مہم جوئی کے خطرات میں نمایاں اضافے کی صورتحال میں افواج پاکستان کو ' ہائی الرٹ' کر دیا گیا ہے۔ ' جیو نیوز' نے معتبر ذرائع کے حوالے سے بتایا ہے کہ ہندوستان کسی بھی وقت اپنے اندرونی مسائل سے توجہ ہٹانے کیلئے پلوامہ ڈرامہ کی طرز پر کنٹرول لائن اور ورکنگ بانڈری پر کسی ایکشن کی تیاری میں مصروف ہے۔ذرائع کے مطابق ہندوستان بارڈر ایکشن یا سرجیکل اسٹرائیک کا سہارا لے سکتا ہے، بھارت اقلیتوں کے ساتھ ناروا سلوک، کسانوں کے احتجاج، مقبوضہ کشمیر میں بڑھتے مظالم اور عالمی میڈیا اور اداروں کی تنقید سے توجہ ہٹانے کیلئے ایک اور فالس فلیگ آپریشن کی کوشش کر رہا ہے۔ مسلح افواج کو ہائی الرٹ کر دیا گیا ہے۔اطلاعات کے مطابق ہندوستان کی مودی حکومت کسانوں کے ملک گیر احتجاج اور بہت بڑی تعداد میں کسانوں کے دارلحکومت دہلی کو دو ہفتوں سے بند رکھے جانے کی صورتحال میں شدید پریشانی،دبائو اور کمزور پوزیشن کا شکار ہے اور ساتھ ہی ہندوستانی حکومت کے تمام تر ظالمانہ اقدامات کے باوجود سکھوں کی خالصتان تحری زور پکڑ رہی ہے، اس صورتحال میں ہندوستان کی طرف سے پاکستان کے خلاف کسی جارحانہ مہم جوئی کی خطرات میں نمایاں اضافہ ہو گیا ہے۔
واپس کریں