اپوزیشن اتحاد کا حکومت کے خاتمے کے لئے جنوری کے آخری ہفتے ' لانگ مارچ' کا اعلان
No image اسلام آباد۔حکومت کے خاتمے کے لئے قائم اپوزیشن اتحاد کستان ڈیموکریٹک موومنٹ ( پی ڈی ایم) نے اعلان کیا ہے کہ جنوری کے آخری ہفتے میں حکومت کے خلاف' لانگ مارچ' کیا جائے گا۔اسلام آباد میں اپوزیشن اتحاد کی سٹیئرنگ کمیٹی کے اجلاس کے بعد ' پی ڈی ایم ' کے ترجمان میاں افتخار نے میڈیا کے نمائندوں کو بتایا کہ جنوری(2021)کے آخری ہفتے' لانگ مارچ'ہو گا۔
ترجمان نے کہا کہ لاہور کا جلسہ روکنے کے لیے تمام کارروائیاں کی جا رہی ہیں، حکمران ڈر گئے ہیں، جلسہ لازمی ہوگا، یہ حکومت دھاندلی کی پیداوار ہے، تمام ادارے اپنی حدود میں رہ کر کام کریں۔انہوں نے کہا کہ مینار پاکستان کو تالاب بنا دیا گیا ہے ، گرفتاریاں شروع کر دی گئی ہیں۔
گزشتہ روز پاکستان ڈیموکریٹک موومنٹ کے سربراہی اجلاس کے بعد پر اتحاد کے سربراہ مولانا فضل الرحمان نے تمام جماعتوں کے قومی اور صوبائی اسمبلیوں کے ارکان کو
ہدایت کی تھی کہ وہ31 دسمبر تک پارٹی قائدین کے پاس اپنے استعفے جمع کرا دیں۔اپوزیشن اتحاد کی جماعتوں کے ارکان کی طرف سے استعفے دیئے جانے کا سلسلہ شروع ہو گیا ہے اور بہت سے ارکان نے اپنے استعفے سوشل میڈیا پہ بھی شیئر کئے ہیں۔
واپس کریں