کنٹرول لائین پہ ہندوستانی فوج کی فائرنگ سے کھوئی رٹہ سیکٹر میں پاک فوج کے دو جوان شہید
No image راولپنڈی ۔ ہندوستانی فوج نے بدھ کو آزاد کشمیر کے کھوئی رٹہ سیکٹر میں فائرنگ اور مارٹر شیلنگ شروع کر دی ۔ پاکستانی فوج نے جوابی کاروائی میں ہندوستانی فوج کو بھاری جانی اور مالی نقصان پہنچایا۔ فائرنگ کے اس تبادلے کے دوران پاک فوج کے دو جوان لانس نائک طارق اور سپاہی ظروف بہادری سے لڑتے ہوئے شہید ہو گئے۔ ڈی جی ' آئی ایس پی آر ' کی طرف سے ایک بیان میں بتایا گیا ہے کہ ہندوستانی فوج نے کھوئی رٹہ سیکٹر میں کنٹرول لائین پہ سیز فائر کی خلاف ورزی کی جس کا پاکستانی فوج نے بھر پور جواب دیا ،پاکستانی فوج کی فائرنگ سے ہندوستانی فوج کا بھاری جانی اور مادی نقصان ہوا ہے۔ فائرنگ کے تبادلے میں دو فوجی لانس نائک طارق اور سپاہی ظروف بہادری سے لڑتے ہوئے شہید ہو گئے۔
واضح رہے کہ ہندوستانی فوج کی طرف سے کشمیر کو تقسیم کرنے والی کنٹرول لائین پہ فائرنگ اور گولہ باری کا سلسلہ تیز کیا ہوا ہے ۔ہندوستانی فوج کی طرف سے آزادکشمیر کی شہری آبادیوں کو خاص طور پر نشانہ بنایا جا تاہے۔
واپس کریں