دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد۔ اسلام آباد میں پیپلز پارٹی کی طرف سے منعقدہ آل پارٹیز کانفرنس کے اختتام پہ جمعیت علمائے اسلام ف کے سربراہ مولانا فضل الرحمن اے پی سی کا اعلامیہ میڈیا کے سامنے پیش کیا۔اپوزیشن کی آل پارٹیز کانفرنس' اے پی سی)کا 4 صفحات کا اعلامیہ جاری کیا گیا۔،اعلامیہ کو کل جماعتی کانفرنس قرارداد کا نام دیا گیا ہے، اعلامیہ میں 26 نکات شامل ہیں۔ قومی سیاسی جماعتوں کا اتحاد پاکستان ڈیموکریٹ موومنٹ تشکیل دیا گیا ہے ۔اپوزیشن اتحادکی جانب سے قرار داد پیش کی گئی ہے کہ یہ اتحادی ڈھانچہ حکومت سے نجات کیلیے ملک گیر احتجاجی تحریک کو منظم کرے گا، جبکہ آئین، 18 ویں ترمیم اور موجودہ این ایف سی ایوارڈ پر کوئی سمجھوتہ نہیں ہو گا۔قرارداد میں کہا گیا کہ پارلیمان کی بالا دستی پر کوئی آنچ نہیں آنے دی جائے گی، سیاسی انتقام کا شکار اور جھوٹے مقدمات میں گرفتار اراکین کو رہا کیا جائے، نیشنل ایکشن پلان پر عملدرآمد نہ ہونے سے دہشت گردی کے واقعات میں اضافہ ہورہا ہے،ناتجربہ کار حکومت نے سی پیک کو خطرے میں ڈال دیا ہے۔