دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد (کشیر رپورٹ) متنازعہ ریاست جموں وکشمیر کو غیر فطری اور کشمیریوں کو جبری طورپر تقسیم کرنے والی لائین آف کنٹرول پہ پاکستان اور ہندوستان کی فوجوں کے آمنے سامنے قائم مورچوں کی ایک وڈیو سوشل میڈیا پہ وائرل ہوئی ہے۔ ہندوستانی فوج کے بینکر میں بنائی گئی اس وڈیو میں ، بنکر میں موجود ہندوستانی ایک پنجابی گانے پہ ناچ رہے ہیں۔ وڈیو میں کچھ ہی فاصلے پہ موجود پاکستانی فوج کے بنکر بھی دکھائے گئے ہیں جن پہ پاکستان کا پرچم لہرا رہا ہے اور چند پاکستانی فوجی بھی نظر آر ہے ہیں۔ وڈیو میں دیکھا جا سکتا ہے کہ پاکستانی بنکر کے باہر کھڑے پاکستانی فوجیوں میں سے ایک فوجی ہندوستانی فوجیوں کو ہاتھ ہاتھ ہلاتے ہوئے خیر سگالی کا اظہار کر رہا ہے۔کشمیر کے بلند و بالا پہاڑوں پہ مختصر فاصلے پہ آمنے سامنے قائم پاکستان اور ہندوستان کے ا ن مورچوں کی اس وڈیو کو آزاد کشمیر کے سابق وزیر اعظم راجہ فاروق حیدر خان نے شیئر کرتے ہوئے اس پہ تبصرہ کیا ہے کہ '' غریب کشمیریوں کی مسخ شدہ لاشوں پر''۔