دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد ( کشیر رپورٹ) مسلم لیگ (ن) آزاد جموں وکشمیر کے صدر شاہ غلام قادر نے کہا ہے کہ مسلم لیگ(ن) آزاد خطہ کے حقوق کی محافظ ہے اختیارا ت کے منتقلی کی باتیں بے بنیاد ہیں،سازش کے تحت آزاد کشمیر میں مرکز گریز رجحانات کی پرورش کی جا رہی ہے، کارکن جماعتی پالیسی فالو کریں ، جماعت کی صفوں میں کسی کو انتشار پھیلانے کی اجازت نہیں دیں گے کوئی بڑا ہو یا چھوٹا ڈسپلن سب پر لازم ہے، بھمبر سے تائوبٹ تک کے تمام کارکنان سے رابطہ میں ہوں اور آزادکشمیر میں مسلم لیگ ن کو فعال بنانے اور مستقبل کی عظیم جماعت بنانے کیلئے دن رات کوشاں ہیں،آزاد کشمیر پر نا اہل حکمرانوں کا ٹولہ مسلط ہے موجودہ حکومت نے ریاست کا ڈیڑھ سال ضائع کر دیا اس حکومت سے نجات ہی تمام تر مسائل کا واحد حل ہے۔شاہ غلام قادر نے ان خیالات کا اظہار مسلم لیگ (ن) حلقہ چھ ہٹیاں بالا کے راہنما صاحبزادہ سعود الرحمن اعوان نے ملاقات میں کیا۔اس موقع پر صاحبزادہ سعود الرحمن اعوان نے شاہ غلام قادر کو ہٹیاں بالا کے دورے کی دعوت کی جو انہوں نے قبول کرلی۔