جھیل ڈل میں کشتی الٹ جانے سے ' بی جے پی ' کے مرکزی عہدیداروں کے ٹھنڈے پانی میں غوطے
No image سرینگر۔مقبوضہ جموں و کشمیر میں ڈسٹرکٹ ڈویلپمنٹ کونسل کے الیکشن کے حوالے سے ہندوستان کی حکمران جماعت ' بی جے پی' کے مرکزی عہدیداروں نے ہندوستانی فوج کی حفاظت میں سرینگر کی ڈل جھیل میں چند کشتیوں پر ' بی جے پی' اور ہندوستان کے جھنڈوں کے ساتھ ایک ریلی نکالی ۔اسی دوران ایک کشتی جھیل ڈل میں ڈوب گئی جس پر ' بی جے پی' کے فنانس سیکرٹری اورانگ انوراگ ٹھاکر اور ' ' بی جے پی' کے جنرل سیکرٹری تارن چھوگ سوار تھے۔کشتی ڈوبنے سے ' بی جے پی' کے مرکزی عہدیدار ٹھنڈے پانی میں غوطے کھانے لگے۔مقامی میڈیا کے مطابق یہ ریلی ڈل جھیل میں چار چنار کے قریب گھاٹ نمبر 17 سے شروع کی گئی۔ پانی میں غوطے لگانے والے ' بی جے پی' کے مرکزی عہدیداروں کو ڈوبنے سے بچا لیا گیا۔یوں ' ڈل جھیل میں کشتیوں پر ریلی نکالنے والے ' بی جے پی' کے عہدیدار ایک تماشہ بن گئے۔
واپس کریں