مقبوضہ جموں وکشمیر کے پونچھ ضلع میں ہندوستانی فوج سے جھڑپ میں دو فریڈم فائٹرشہید
No image جموں۔ مقبوضہ جموں وکشمیر کے پونچھ ضلع میں اتوار کوکشمیری فریڈم فائٹرز اور ہندوستانی فوج کے درمیان شدید جھڑپ میں دو مجاہد شہید ہو گئے جبکہ ہندوستانی فوج نے ایک مجاہد کی گرفتاری کادعوی کیا ہے۔تفصیلات کے مطابق پونچھ ضلع میں مغل روڈ کے قریب چھٹہ پانی علاقے میں ہندوستانی فوج نے اتوار کو مجاہدین کی موجودگی کی اطلاع پر دوگراں اور سرنکوٹ میں وسیع علاقے کو گھیرے میں لیا گیا۔ہندوستانی فوجی ذرائع کے مطابق علاقے میں چند مجاہدین دیکھے گئے جس کے بعد فوج کا بڑا آپریشن شروع کیا گیا ۔فوج کے آپریشن کے دوران ہی مجاہدین نے ہندوستانی فوجیوں پر حملہ شروع کر دیا ۔جموں کے آئی جی پی مکیش سنگھ کے مطابق علاقے میں مجاہدین اور ہندوستانی فوجیوں کے درمیان شدیدجھڑپ ہوئی۔اطلاعات کے مطابق ہندوستانی فوج کے ساتھ خصوصی کمانڈوز بھی جدید ہتھیاروں سمیت شامل ہیں۔ہندوستانی فوج نے دعوی کیا ہے کہ جھڑپ میں دو مجاہد شہید ہوئے جبکہ ان کے ایک ساتھی کو گرفتار کیا گیا ہے۔
واپس کریں