مسلم لیگ ن کے دور حکومت میں آزاد کشمیر میں حقیقی معنوں میں تبدیلی آئی ہے ۔وزی اعظم راجہ فاروق حیدر کا سینٹرل ایگزیکٹیو کمیٹی سے خطاب
No image اسلام آباد۔وزیر اعظم آزاد جموں وکشمیر و صدر مسلم لیگ ن راجہ محمد فاروق حیدرخان نے مسلم لیگ ن کی سینٹرل ورکنگ کمیٹی کے اجلاس میں بذریعہ ویڈیو لنک شرکت کی ۔ راجہ محمد فاروق حیدرخان کے ہمراہ سینئر نائب صدر مسلم لیگ ن و سینئر وزیر چوہدری طارق فاروق ، سپیکر اسمبلی و سیکرٹری جنرل مسلم لیگ ن شاہ غلام قادر بھی بذریعہ ویڈیولنک اجلاس میں شریک ہوئے ۔اجلاس میں مسلم لیگ ن کی مرکزی نائب صدر مریم نواز، سابق وزیر اعظم پاکستان شاہد خاقان عباسی، چیئرمین مسلم لیگ ن راجہ ظفرالحق ، مسلم لیگ ن پنجاب کے صدر رانا ثنااللہ ، نائب صدر مسلم لیگ ن آزادکشمیرچوہدری محمد عزیز اورچیف آرگنائزر مشتاق احمد منہاس اور دیگر مرکزی قائدین نے شرکت کی ۔
صدر مسلم لیگ ن آزادکشمیر راجہ محمد فاروق حیدرخان نے سینٹرل ورکنگ کمیٹی کے اجلاس سے خطاب کرتے ہوئیکہاکہ مسلم لیگ ن آزادکشمیر کی حکومت نے گزشتہ ساڑھے چار سالوں میں عوام کی بھرپور خدمت کی ۔ آزادکشمیر کے دیرینہ مسائل ہمارے دور میں محمد نواز شریف اور شاہد خاقان عباسی کی کمال مہربانی سے حل ہوئے ۔ قائد پاکستان مسلم لیگ ن محمد نواز شریف نے آزادکشمیر کا ترقیاتی بجٹ دوگنا کیا جس سے آزاد خطہ میں تعمیر وترقی کا نیا دور شروع ہوا۔ گزشتہ سارڑھے چار سالوں میں آزادکشمیر کے ہر علاقے میں ترقیاتی منصوبے لگائے گئے ۔ انہوں نے کہاکہ ہم نے اقتدار میں آنے کے بعد عام آدمی کی ترقی کیلئے کام کیا، غریب آدمی کی مشکلات کو مدنظررکھتے ہوئے پالیسیاں بنائیں اور ان پر بھرپور طریقے سے عملدرآمد کیا تاکہ غریب آدمی کا معیار زندگی بلند ہو۔ راجہ محمد فاروق حیدرخان نے کہاکہ مسلم لیگ ن کے دور حکومت میں آزاد کشمیر میں حقیقی معنوں میں تبدیلی آئی ہے ۔ اس وقت آزادکشمیر کی تمام بین الاضلاعی اور پاکستان سے ملانے والی بڑی شاہرات کی اپ گریڈیشن کی جاچکی ہے ۔ حکومت میں آئے تو بہت سارے مسائل کا سامنا تھا لیکن اللہ کے فضل و کرم سے تمام مشکلات پر قابو پاتے ہوئے آزادکشمیر کو ترقی یافتہ خطہ بنانے کا عمل شروع کیا جو آ ج بھی جاری ہے ۔ وزیر اعظم نے کہاکہ مسلم لیگ ن اپنی کارکردگی کی بنیاد پر آمدہ الیکشن میں جائے گی ۔ عوام فیصلہ کرینگے کہ ہماری کارکردگی سے مطمئن ہیں یا نہیں۔
دریں اثناسوشل میڈیا پر اپنے ایک بیان میں وزیر اعظم آزادجموں وکشمیر راجہ محمد فاروق حیدرخان نے کہا کہ امریکہ نے ہندوستان کو پانچ ہزار سنائپر گنیں فراہم کی ہیں جس سے ہندوستان سیز فائر لائن پر آباد آزادکشمیر کے معصوم شہریوں کو نشانہ بنارہا ہے ۔ گزشتہ ہفتے ہندوستانی فوج نے ایک معصوم شہری کو اس وقت نشانہ بنایا جب وہ موٹر سائیکل پر اپنے گھر جارہا ہے ۔ انہوںنے کہاکہ ہندوستان سیز فائر لائن پر آئے روز معصوم شہریوں کو اپنی جارحیت کا نشانہ بنارہا ہے ۔ معصوم بچے بھی ہندوستان کی جارحیت سے محفوظ نہیں ۔ وزیر اعظم نے کہاکہ ہندوستان کو کشمیریوں کے بے گناہ خون کا حساب دینا ہوگا۔ مہذب دنیا ہندوستان کے جارحانہ اورمکروہ عزائم کا نوٹس لے ۔

واپس کریں