دل بعض و حسد سے رنجور نہ کر
یہ نور خدا ہے اس سے بے نور نہ کر
سرینگر(کشیر رپورٹ) حریت کانفرنس نے سینئر حریت رہنما سید علی شاہ گیلانی کی پہلی برسی کے موقع پر یکم ستمبر کو ان کی رہائش گاہ سرینگر کے حیدر پورہ علاقے کی طرف مارچ کی اپیل کی ہے۔گزشتہ سال ہندوستانی فوج نے سیدعلی شاہ گیلانی کی وفات کے موقع پر ان کے گھر داخل ہو کر زبر دستی ان کے جسد خاکی کو اپنی تحویل میں لے کر خود ہی ان کی تدفین کی تھی اور ان کے اہل خانہ کو بھی جنازے اور تدفین میں شرکت کی اجازت نہیں دی گئی تھی۔گزشتہ کئی سالوں کی طرح اس وقت بھی حریت کانفرنس کے رہنما جیلوں میں قید ہیں، میر واعظ عمر فاروق کو ان کے گھر میںہی مسلسل قید میں رکھا گیا ہے اور انہیں اپنے گھر سے نکلنے کی بھی اجازت نہیں دی جاتی۔